‘ਰਾਧੇ ਸ਼ਿਆਮ’ ਦੇ ਟਰੇਲਰ ਨੂੰ ਮਿਲੇ ਹੁੰਗਾਰੇ ਤੋਂ ਖੁਸ਼ ਹੈ ਪੂਜਾ ਹੇਗੜੇ

ਮੁੰਬਈ: ਫ਼ਿਲਮ ‘ਰਾਧੇ ਸ਼ਿਆਮ’ ਵਿੱਚ ਪ੍ਰੇਰਨਾ ਦੀ ਭੂਮਿਕਾ ਨਿਭਾਉਣ ਵਾਲੀ ਅਦਾਕਾਰਾ ਪੂਜਾ ਹੇਗੜੇ ਫ਼ਿਲਮ ਦੇ ਟਰੇਲਰ ਨੂੰ ਮਿਲੇ ਹੁੰਗਾਰੇ ਤੋਂ ਖੁਸ਼ ਹੈ। ਉਸ ਨੇ ਫ਼ਿਲਮ ਨੂੰ ਪ੍ਰੇਮ ਕਹਾਣੀ ਦੱਸਿਆ ਹੈ। ਫ਼ਿਲਮ ਵਿੱਚ ਜੋੜੇ ਨੂੰ ਅਣਕਿਆਸੇ ਝਗੜੇ ਅਤੇ ਤਾਕਤਾਂ ਨਾਲ ਜੂਝਣਾ ਪੈਂਦਾ ਹੈ, ਜੋ ਉਨ੍ਹਾਂ ਦੀ ਸਮਝ ਤੋਂ ਬਾਹਰ ਹਨ। ਅਦਾਕਾਰਾ ਨੇ ਕਿਹਾ, ‘ਫ਼ਿਲਮ ‘ਰਾਧੇ ਸ਼ਿਆਮ’ ਲਈ ਬਹੁਤ ਉਤਸ਼ਾਹ ਹੈ ਅਤੇ ਉਦੋਂ ਹੋਰ ਵੀ ਚੰਗਾ ਲੱਗਦਾ ਹੈ ਜਦੋਂ ਦਰਸ਼ਕ ਤੁਹਾਡੀ ਫ਼ਿਲਮ ਲਈ ਬੇਸਬਰੀ ਨਾਲ ਉਡੀਕ ਕਰਨ। ਟਰੇਲਰ ਦੇਖਣ ਵਾਲਿਆਂ ਵੱਲੋਂ ਕੀਤੀ ਗਈ ਸਰਾਹਨਾ ਮਨ ਨੂੰ ਛੂਹ ਗਈ। ਇਹ ਜੋੜੇ ਦੀ ਪ੍ਰੇਮ ਕਹਾਣੀ ਹੈ, ਜੋ ਇਕੱਠੇ ਹੋਣ ਲਈ ਅਣਕਿਆਸੀਆਂ ਤਾਕਤਾਂ ਦਾ ਸਾਹਮਣਾ ਕਰਦੇ ਹਨ।’ ਪੂਜਾ ਨੇ ਦੱਸਿਆ, ‘ਪ੍ਰੇਰਨਾ ਕੋਲ ਪਿਆਰ ਲਈ ਲੜਨ ਦੀ ਤਾਕਤ ਹੈ ਤੇ ਮੈਨੂੰ ਖੁਸ਼ੀ ਹੈ ਕਿ ਉਸ ਦੀ ਹਿੰਮਤ ਟਰੇਲਰ ਰਾਹੀਂ ਦਰਸ਼ਕਾਂ ਦੇ ਸਾਹਮਣੇ ਆਈ ਹੈ।’ ਟਰੇਲਰ ਵਿੱਚ ਪੂਜਾ ਨੂੰ ਰਾਜਕੁਮਾਰੀ ਵਜੋਂ ਦਿਖਾਇਆ ਗਿਆ ਹੈ। ‘ਰਾਧੇ ਸ਼ਾਮ’ ਵਿੱਚ ਅਦਾਕਾਰ ਪ੍ਰਭਾਸ ਤੇ ਭਾਗਿਆਸ਼੍ਰੀ ਨੇ ਵੀ ਅਹਿਮ ਭੂਮਿਕਾ ਨਿਭਾਈ ਹੈ। -ਆਈਏਐੱਨਐੱਸ