ਮੁੰਬਈ: ਏਕਤਾ ਕਪੂਰ ਦੀ ਵੈੱਬਸੀਰੀਜ਼ ‘ਅਪਹਰਨ’ ਦੇ ਸੀਜ਼ਨ-2 ਦੀਆਂ ਤਿਆਰੀਆਂ ਮੁਕੰਮਲ ਹੋ ਗਈਆਂ ਹਨ। ਇਸ ਸੀਰੀਜ਼ ਦਾ ਨਿਰਦੇਸ਼ਨ ਸੰਤੋਸ਼ ਸਿੰਘ ਵੱਲੋਂ ਕੀਤਾ ਗਿਆ ਹੈ, ਜਿਸ ਦੇ 11 ਐਪੀਸੋਡ ਹਨ। ਇਸ ਸੀਰੀਜ਼ ਵਿੱਚ ਅਰੁਨੋਦਯ ਸਿੰਘ, ਨਿਧੀ ਸਿੰਘ, ਸਾਨੰਦ ਵਰਮਾ ਅਤੇ ਸਨੇਹਿਲ ਦੀਕਸ਼ਿਤ ਮਹਿਰਾ ਪ੍ਰਮੁੱਖ ਭੂਮਿਕਾਵਾਂ ਵਿੱਚ ਨਜ਼ਰ ਆਉਣਗੇ। ਸੀਰੀਜ਼ ਵਿੱਚ ਜਤਿੰਦਰ ਕਪੂਰ ਮਹਿਮਾਨ ਅਦਾਕਾਰ ਵੱਜੋਂ ਕੰਮ ਕਰਨਗੇ। ਸੀਰੀਜ਼ ਦੇ ਦੂਜੇ ਸੀਜ਼ਨ ਬਾਰੇ ਗੱਲ ਕਰਦਿਆਂ ਏਕਤਾ ਕਪੂਰ ਨੇ ਕਿਹਾ, ‘ਇਹ ਸੀਰੀਜ਼ ਦਰਸ਼ਕਾਂ ਨੂੰ ਡਰਾਮੇ ਦਾ ਉਹ ਪੱਧਰ ਦਿਖਾਵੇਗੀ, ਜਿਸ ਦੀ ਉਹ ਭਾਲ ਕਰਦੇ ਹਨ। ਸਭ ਕੁਝ ਦੁੱਗਣਾ ਹੋਵੇਗਾ- ਡਰਾਮਾ, ਧਮਕੀ, ਐਕਸ਼ਨ, ਰਹੱਸ, ਉਤਸ਼ਾਹ ਤੇ ਕਿਰਦਾਰ ਵੀ। ਮੈਨੂੰ ਲੱਗਦਾ ਹੈ ਕਿ ਸੀਰੀਜ਼ ਦੇ ਹਰ ਐਪੀਸੋਡ ਵਿੱਚ ਕੁਝ ਵੱਖਰਾ ਵੇਖਣ ਨੂੰ ਮਿਲੇਗਾ ਤੇ ‘ਅਪਹਰਨ-2’ ਦਰਸ਼ਕਾਂ ਦਾ ਧਿਆਨ ਖਿੱਚਣ ਵਿੱਚ ਜ਼ਰੂਰ ਕਾਮਯਾਬ ਹੋਵੇਗੀ।’ ਇਹ ਸੀਰੀਜ਼ ਵੂਟ ’ਤੇ ਪ੍ਰਸਾਰਿਤ ਕੀਤੀ ਜਾਵੇਗੀ। -ਆਈਏਐੱਨਐੱਸ
ਸਬੰਧਿਤ ਖ਼ਬਰਾਂ
