ਮੁੰਬਈ, 3 ਨਵੰਬਰ
‘ਦਿ ਬਿੱਗ ਪਿਕਚਰ’ ਸ਼ੋਅ ਦੌਰਾਨ ਮੁਕਾਬਲੇਬਾਜ਼ ਦਿਵਿਯਾਂਸ਼ ਨਾਲ ਗੀਤ ‘ਲੁੰਗੀ ਡਾਂਸ’ ’ਤੇ ਨੱਚਦਿਆਂ ਬੌਲੀਵੁੱਡ ਅਦਾਕਾਰ ਰਣਵੀਰ ਸਿੰਘ ਨੇ ਖ਼ੁਲਾਸਾ ਕੀਤਾ ਕਿ ਉਸ ਨੇ ਇਸ ਗੀਤ ਦੀ ਸ਼ੂਟਿੰਗ ਦੌਰਾਨ ਦੀਪਿਕਾ ਨੂੰ ਪ੍ਰਭਾਵਿਤ ਕਰਨ ਦੀ ਕੋਸ਼ਿਸ਼ ਕੀਤੀ ਸੀ। ਇਹ ਖੁਲਾਸਾ ਅਦਾਕਾਰ ਨੇ ਸ਼ੋਅ ਦੇ ਮੁਕਾਬਲੇਬਾਜ਼ਾਂ ਨਾਲ ਗੱਲਬਾਤ ਕਰਦਿਆਂ ਕੀਤਾ। ਇਸ ਸ਼ੋਅ ਦੀ ਮੇਜ਼ਬਾਨੀ ਰਣਬੀਰ ਸਿੰਘ ਨੇ ਕੀਤੀ। ਦਿਵਿਯਾਂਸ਼ ਰਣਵੀਰ ਨੂੰ ਇਹ ਦੱਸਦਾ ਹੈ ਕਿ ਕਿਵੇਂ ਉਸ ਦੇ ਪਿਤਾ ਨੇ ਉਸ ਦੇ ਸੰਘਰਸ਼ ਦੇ ਸਮੇਂ ਵਿਚ ਉਸ ਦਾ ਸਮਰਥਨ ਕੀਤਾ ਹੈ, ਜਿਸ ਦੇ ਜਵਾਬ ਵਿਚ ਮੇਜ਼ਬਾਨ ਵੀ ਦੱਸਦਾ ਹੈ ਕਿ ਕਿਵੇਂ ਉਸ ਦੇ ਪਿਤਾ ਨੇ ਉਸ ਦੀ ਸਫ਼ਲਤਾ ਵਿੱਚ ਅਹਿਮ ਯੋਗਦਾਨ ਪਾਇਆ । ਦਿਵਿਯਾਂਸ਼, ਰਣਬੀਰ ਨੂੰ ਦੱਸਦਾ ਹੈ ਕਿ ਉਹ ਆਪਣੇ ਪਿੰਡ ਦਾ ਪਹਿਲਾ ਵਿਅਕਤੀ ਹੈ ਜੋ ਸਿਵਲ ਇੰਜਨੀਅਰ ਬਣਿਆ ਹੈ। ਉਹ ਦੋਵੇਂ ਆਪਣੀ ਜ਼ਿੰਦਗੀ ਦੇ ਸੰਘਰਸ਼ ਬਾਰੇ ਗੱਲਬਾਤ ਕਰਦੇ ਹਨ। ਦਿਵਿਯਾਂਸ਼ ਦੱਸਦਾ ਹੈ ਕਿ ਪੜ੍ਹਾਈ ਵਿੱਚ ਅੱਗੇ ਆਉਣ ਲਈ ਉਸ ਦੇ ਪਿਤਾ ਨੇ ਕੀ ਯੋਗਦਾਨ ਪਾਇਆ। -ਆਈਏਐਨਐਸ
