ਮੁੰਬਈ: ਅਦਾਕਾਰ ਰਵੀ ਦੂਬੇ ਆਪਣੀ ਪਤਨੀ ਤੇ ਅਦਾਕਾਰਾ ਸਰਗੁਣ ਮਹਿਤਾ ਦਾ ਜਨਮ ਦਿਨ ਮਨਾਉਣ ਲਈ ਮੁੰਬਈ ਤੋਂ ਖ਼ੁਦ ਸਫ਼ਰ ਕਰਦਾ ਹੋਇਆ ਪੰਜਾਬ ਪੁੱਜਾ। ਆਪਣੇ ਟਵਿੱਟਰ ਅਕਾਊਂਟ ’ਤੇ ਰਵੀ ਨੇ ਸਰਗੁਣ ਲਈ ਸ਼ੁਭਕਾਮਨਾ ਲਿਖਦਿਆਂ ਉਸ ਨੂੰ ‘ਰਾਣੀ’ ਆਖਿਆ ਹੈ। ਉਸ ਨੇ ਨਾਲ ਹੀ ਬੀਤੀ ਰਾਤ ਮਨਾਏ ਜਨਮ ਦਿਨ ਦੀਆਂ ਕਈ ਤਸਵੀਰਾਂ ਤੇ ਵੀਡੀਓਜ਼ ਵੀ ਪਾਈਆਂ ਹਨ। ਇਸ ਦੌਰਾਨ ਫ਼ਿਲਮ ‘ਕਿਸਮਤ’ ਵਿੱਚ ਸਰਗੁਣ ਮਹਿਤਾ ਨਾਲ ਕੰਮ ਕਰ ਚੁੱਕੇ ਐਮੀ ਵਿਰਕ ਨੇ ਵੀ ਸੋਸ਼ਲ ਮੀਡੀਆ ’ਤੇ ਉਸ ਲਈ ਜਨਮਦਿਨ ਮੌਕੇ ਦੁਆ ਮੰਗੀ। ਉਸ ਨੇ ਇੰਸਟਾਗ੍ਰਾਮ ’ਤੇ ਲਿਖਿਆ, ‘ਹੈਪੀ ਬਰਥਡੇਅ ਸਰਗੁਣੀਏ।…’ ਇਹ ਦੋਵੇਂ ਕਲਾਕਾਰ ਹੁਣ ਫ਼ਿਲਮ ‘ਕਿਸਮਤ’ ਦੇ ਸੀਕਿਉਲ ਵਿੱਚ ਮੁੜ ਇਕੱਠੇ ਵਿਖਾਈ ਦੇਣਗੇ ਜੋ ਅਪਰੈਲ 2021 ਵਿੱਚ ਰਿਲੀਜ਼ ਹੋਵੇਗੀ। -ਆਈਏਐੱਨਐੱਸ
ਸਬੰਧਿਤ ਖ਼ਬਰਾਂ
