ਹੈਦਰਾਬਾਦ: ਤੇਲਗੂ ਅਦਾਕਾਰ ਰਵੀ ਤੇਜਾ ਅਤੇ ਨਿਰਦੇਸ਼ਕ ਸੁਧੀਰ ਵਰਮਾ ਨੇ ਆਪਣੀ ਨਵੀਂ ਐਕਸ਼ਨ ਥ੍ਰਿਲਰ ‘ਰਾਵਣਾਸੁਰਾ’ ਦੀ ਤਿਆਰੀ ਵਿੱਚ ਜੁਟੇ ਹੋਏ ਹਨ। ਦੱਸਣਯੋਗ ਹੈ ਕਿ ਫ਼ਿਲਮ ਦੀ ਟੀਮ ਨੇ ਸ਼ੂਟਿੰਗ ਦਾ ਦੂਜਾ ਪੜਾਅ ਪੂਰਾ ਕਰ ਲਿਆ ਹੈ ਤੇ ਹੁਣ ਇਹ ਫਿਲਮ ਰਿਲੀਜ਼ ਲਈ ਤਿਆਰ ਕੀਤੀ ਜਾਵੇਗੀ। ਰਵੀ ਤੇਜਾ, ਸੁਸ਼ਾਂਤ, ਦਕਸ਼ਾ ਨਾਗਰਕਰ ਅਤੇ ਹੋਰਾਂ ਨੇ ਇਹ ਸ਼ੂਟਿੰਗ ਬੀਤੇ ਦਿਨ ਮੁਕੰਮਲ ਕੀਤੀ ਹੈ। ਨਿਰਮਾਤਾਵਾਂ ਨੇ ਫ਼ਿਲਮ ‘ਰਾਵਣਾਸੁਰਾ’ ਦੇ ਸੈੱਟ ਤੋਂ ਇੱਕ ਤਸਵੀਰ ਸਾਂਝੀ ਕੀਤੀ ਹੈ ਤੇ ਫ਼ਿਲਮ ਸਬੰਧੀ ਐਲਾਨ ਕੀਤਾ ਹੈ। ਇਸ ਸਾਂਝੀ ਕੀਤੀ ਤਸਵੀਰ ਵਿੱਚ ਰਵੀ ਤੇਜਾ, ਸੁਸ਼ਾਂਤ, ਦਕਸ਼ਾ ਨਾਗਰਕਰ, ਨਿਰਦੇਸ਼ਕ ਸੁਧੀਰ ਵਰਮਾ, ਲੇਖਕ ਸ੍ਰੀਕਾਂਤ ਵਿੱੱਸਾ, ਪ੍ਰੋਡਿਊਸਰ ਅਭਿਸ਼ੇਕ ਨਾਮਾ ਅਤੇ ਸਿਨੇਮੈਟੋਗ੍ਰਾਫ਼ਰ ਵਿਜੈ ਕਾਰਤਿਕ ਕਾਨਨ ਵੀ ਮੌਜੂਦ ਹਨ। ਇਹ ਵੀ ਜਾਣਕਾਰੀ ਸਾਂਝੀ ਕੀਤੀ ਗਈ ਹੈ ਕਿ ਫ਼ਿਲਮ ਦੀ ਰਹਿੰਦੀ ਸ਼ੂਟਿੰਗ ਵੀ ਇੱਥੇ ਹੀ ਕੀਤੀ ਜਾਵੇਗੀ। ਜਲਦੀ ਹੀ ਫ਼ਿਲਮ ਦੀ ਪੋਸਟ ਪ੍ਰੋਡਕਸ਼ਨ ਦਾ ਕੰਮ ਵੀ ਸ਼ੁਰੂ ਕੀਤਾ ਜਾਵੇਗਾ। ਫ਼ਿਲਮ ‘ਰਾਵਣਾਸੁਰਾ’ ’ਚ ਰਵੀ ਤੇਜਾ ਬਿਲਕੁਲ ਵੱਖਰੇ ਅੰਦਾਜ਼ ਵਿੱਚ ਨਜ਼ਰ ਆਵੇਗਾ। ਰਵੀ ਤੇਜਾ ਨਾਲ ਪੰਜ ਮਹਿਲਾਵਾਂ ਨੂੰ ਮੁੱਖ ਕਿਰਦਾਰਾਂ ’ਚ ਲਿਆ ਗਿਆ ਹੈ। -ਆਈਏਐੱਨਐੱਸ
ਸਬੰਧਿਤ ਖ਼ਬਰਾਂ
