ਹੈਦਰਾਬਾਦ: ਤੇਲਗੂ ਅਦਾਕਾਰ ਰਵੀ ਤੇਜਾ ਨੇ ਆਪਣੀ ਆਊਣ ਵਾਲੀ ਫਿਲਮ ‘ਕਰੈਕ’ ਦੀ ਸ਼ੂਟਿੰਗ ਸ਼ੁਰੂ ਕਰ ਦਿੱਤੀ ਹੈ। ਰਵੀ ਨੇ ਆਪਣੇ ਇੰਸਟਾਗ੍ਰਾਮ ਖਾਤੇ ’ਤੇ ਫਿਲਮ ਦਾ ਪੋਸਟਰ ਸਾਂਝਾ ਕੀਤਾ ਹੈ। ਤਸਵੀਰ ਵਿੱਚ ਅਦਾਕਾਰ ਬੰਦੂਕ ਫੜ ਕੇ ਤੁਰਦਾ ਨਜ਼ਰ ਆਉਂਦਾ ਹੈ। ਊਸ ਨੇ ਕਾਲੀ ਕਮੀਜ਼, ਖ਼ਾਕੀ ਪੈਂਟ ਅਤੇ ਕਾਲੀ ਐਨਕ ਪਾਈ ਹੋਈ ਹੈ। ਪੋਸਟਰ ’ਤੇ ਅਦਾਕਾਰ ਰਵੀ ਤੇਜਾ ਨੇ ਲਿਖਿਆ, ‘‘ਅੱਜ ਸ਼ੁੂਟਿੰਗ ਮੁੜ ਸ਼ੁਰੂ ਹੋਈ!’’ ਫਿਲਮ ‘ਕਰੈਕ’ ਵਿੱਚ ਸ਼ਰੁਤੀ ਹਸਨ, ਵਰਾਲਕਸ਼ਮੀ ਸਰਤਕੁਮਾਰ ਅਤੇ ਸਾਮੂਥਿਰਾਕਨੀ ਵੀ ਨਜ਼ਰ ਆਊਣਗੇ। ਫਿਲਮ ਦਾ ਨਿਰਦੇਸ਼ਨ ਗੋਪੀਚੰਦ ਮਾਲਿਨੇਨੀ ਕਰ ਰਹੇ ਹਨ। ਤੇਲਗੂ ਸਿਨੇ ਜਗਤ ਵਿੱਚ ਸਭ ਤੋਂ ਵੱਧ ਮਿਹਨਤਾਨਾ ਲੈਣ ਵਾਲੇ ਰਵੀ ਤੇਜਾ ਦੀ ਇਹ 66ਵੀਂ ਫਿਲਮ ਹੈ। -ਆਈਏਐੱਨਅੇੱਸ
ਸਬੰਧਿਤ ਖ਼ਬਰਾਂ
