ਨਵੀਂ ਦਿੱਲੀ: ਬੌਲੀਵੁਡ ਅਦਾਕਾਰਾ ਕੰਗਨਾ ਰਣੌਤ ਨੇ ਸੁਪਰਸਟਾਰ ਸ਼ਾਹਰੁਖ ਖ਼ਾਨ ਦੀ ਹਾਲ ਹੀ ਵਿੱਚ ਰਿਲੀਜ਼ ਹੋਈ ਫ਼ਿਲਮ ‘ਜਵਾਨ’ ਦੀ ਰੱਜ ਕੇ ਪ੍ਰਸ਼ੰਸਾ ਕਰਦਿਆਂ ਉਸ ਨੂੰ ਸਿਨੇਮਾ ਦਾ ਭਗਵਾਨ ਕਰਾਰ ਦਿੱਤਾ ਹੈ। ਸ਼ਾਹਰੁਖ ਦੀ ਬਲਾਕਬਸਟਰ ਫਿਲਮ ‘ਜਵਾਨ’ ਰਿਲੀਜ਼ ਹੋਣ ਦੇ ਪਹਿਲੇ ਦਿਨ ਹੀ ਹਾਊਸਫੁੱਲ ਹੋ ਗਈ ਸੀ। ਕੰਗਨਾ ਨੇ ਆਪਣੀ ਇੰਸਟਾਗ੍ਰਾਮ ਸਟੋਰੀਜ਼ ’ਤੇ ਫਿਲਮ ‘ਜਵਾਨ’ ਦਾ ਪੋਸਟਰ ਸਾਂਝਾ ਕੀਤਾ ਹੈ ਜਿਸ ਦੀ ਕੈਪਸ਼ਨ ਵਿਚ ਉਸ ਨੇ ਲਿਖਿਆ: ‘ਸ਼ਾਹਰੁਖ ਨੱਬੇ ਦੇ ਦਹਾਕੇ ਵਿਚ ‘ਦਿਲ ਵਾਲੇ ਦੁਲਹਨੀਆ ਲੇ ਜਾਏਗੇਂ’ ਜ਼ਰੀਏ ਸਿਨੇ ਜਗਤ ਵਿਚ ਛਾ ਗਿਆ ਸੀ। ਬਾਅਦ ਵਿੱਚ ਉਸ ਨੂੰ ਇਕ ਦਹਾਕਾ ਸੰਘਰਸ਼ ਕਰਨਾ ਪਿਆ ਤੇ ਉਸ ਦੌਰ ਦੇ ਸੰਘਰਸ਼ ਵਿਚੋਂ ਉਹ ਅਜਿਹਾ ਨਿੱਖਰ ਕੇ ਸਾਹਮਣੇ ਆਇਆ ਕਿ ਅੱਜ 60 ਸਾਲ ਦੀ ਉਮਰ ਉਹ ਕਿਸੇ ਸੁਪਰ ਹੀਰੋ ਤੋਂ ਘੱਟ ਨਹੀਂ ਹੈ। ਉਸ ਦਾ ਸੰਘਰਸ਼ ਉਨ੍ਹਾਂ ਸਾਰੇ ਕਲਾਕਾਰਾਂ ਲਈ ਮਾਸਟਰ ਕਲਾਸ ਹੈ ਜੋ ਲੰਬੇ ਕਰੀਅਰ ਦਾ ਆਨੰਦ ਮਾਣ ਰਹੇ ਹਨ। ਇਸ ਲਈ ਪੂਰੀ ਟੀਮ ਨੂੰ ਵਧਾਈ।’ -ਆਈਏਐੱਨਐੱਸ
ਸਬੰਧਿਤ ਖ਼ਬਰਾਂ
