ਮੁੰਬਈ, 22 ਜੁਲਾਈ
ਬੌਲੀਵੁੱਡ ਅਦਾਕਾਰ ਸੋਨੂ ਸੂਦ ਤੇ ਫ਼ਿਲਮਸਾਜ਼ ਫਰਾਹ ਖਾਨ ਇਕ ਮਿਊਜ਼ਿਕ ਵੀਡੀਓ ਪ੍ਰਾਜੈਕਟ ਵਿਚ ਇਕੱਠਿਆਂ ਕੰਮ ਕਰਨਗੇ। ਗੀਤਾਂ ਦੇ ਵੇਰਵੇ ਲਏ ਜਾ ਹਨ ਪਰ ਇਸ ਵਿੱਚ ਸੋਨੂੰ ਸੂਦ ਨੂੰ ਫਿਲਮਾਇਆ ਜਾਵੇਗਾ, ਜਿਸ ਦਾ ਨਿਰਦੇਸ਼ਨ ਫਰਾਹ ਖਾਨ ਕਰੇਗੀ। ਇਸ ਗੀਤ ਦੀ ਪੰਜਾਬ ਵਿਚ ਸ਼ੂਟਿੰਗ ਸ਼ੁਰੂ ਹੋ ਚੁੱਕੀ ਹੈ। ਇਸ ਦੀ ਪੁਸ਼ਟੀ ਕਰਦਿਆਂ ਸੋਨੂ ਸੂਦ ਨੇ ਖ਼ਬਰ ਏਜੰਸੀ ‘ਆਈਏਐੱਨਐੱਸ’ ਨੂੰ ਦੱਸਿਆ,‘‘ਇਹ ਗੀਤ ਹੋਰ ਗੀਤਾਂ ਨਾਲੋਂ ਵੱਖਰਾ ਤੇ ਮੈਂ ਹੁਣ ਤੋਂ ਪਹਿਲਾਂ ਅਜਿਹੇ ਗੀਤ ਦੀ ਸ਼ੂਟਿੰਗ ਨਹੀਂ ਕੀਤੀ। ਫਰਾਹ ਖਾਨ ਨਾਲ ਕੰਮ ਕਰਨਾ ਹਮੇਸ਼ਾਂ ਸ਼ਾਨਦਾਰ ਹੁੰਦਾ ਹੈ। ਇਸ ਗੀਤ ਵਿਚ ਸੋਨੂ ਸੂਦ ਪਹਿਲਾਂ ਕਿਸਾਨ ਹੁੰਦਾ ਹੈ ਜੋ ਬਾਅਦ ਵਿਚ ਪੁਲੀਸ ਵਿਚ ਭਰਤੀ ਹੋ ਜਾਂਦਾ ਹੈ। ਇਹ ਗੀਤ ਇਸ ਮਹੀਨੇ ਦੇ ਅਖੀਰ ਵਿਚ ਰਿਲੀਜ਼ ਹੋਵੇਗਾ। -ਆਈਏਐੱਨਐੱਸ
