ਮੁੰਬਈ: ਪ੍ਰਤੀਕ ਗਾਂਧੀ ਦੀ ਆਉਣ ਵਾਲੀ ਫਿਲਮ ਦੇ ਨਿਰਮਾਤਾਵਾਂ ਨੇ ਮੰਗਲਵਾਰ ਨੂੰ ਇਕ ਬਿਆਨ ਜਾਰੀ ਕਰਕੇ ਦੱਸਿਆ ਕਿ ‘ਰਾਵਣ ਲੀਲ੍ਹਾ’ ਦਾ ਨਾਂ ਹੁਣ ‘ਭਵਈ’ ਹੋਵੇਗਾ। ਇਹ ਕਦਮ ਦਰਸ਼ਕਾਂ ਦੀਆਂ ਬੇਨਤੀਆਂ ਤੇ ਉਨ੍ਹਾਂ ਦੀਆਂ ਧਾਰਮਿਕ ਭਾਵਨਾਵਾਂ ਦਾ ਸਤਿਕਾਰ ਕਰਦਿਆਂ ਚੁੱਕਿਆ ਗਿਆ ਹੈ। ਨਿਰਦੇਸ਼ਕ ਹਾਰਦਿਕ ਗੱਜਰ ਨੇ ਕਿਹਾ, ‘‘ਮੈਂ ਦਰਸ਼ਕਾਂ ਦੀਆਂ ਇੱਛਾਵਾਂ ਦਾ ਸਨਮਾਨ ਕਰਕੇ ਖੁਸ਼ ਹਾਂ।’’ ਪਹਿਲੀ ਅਕਤੂਬਰ ਨੂੰ ਰਿਲੀਜ਼ ਹੋ ਰਹੀ ਇਸ ਫਿਲਮ ਵਿੱਚ ਐਂਦਰਿਤਾ ਰਾਏ, ਰਾਜਿੰਦਰਾ ਗੁਪਤਾ, ਰਾਜੇਸ਼ ਸ਼ਰਮਾ ਤੇ ਅਭਿਮੰਨਿਊ ਸਿੰਘ ਨੇ ਵੀ ਅਹਿਮ ਕਿਰਦਾਰ ਅਦਾ ਕੀਤੇ ਹਨ। ਗੁਜਰਾਤ ਦੇ ਪ੍ਰਸਿੱਧ ਲੋਕ ਨਾਟਕ ‘ਭਵਈ’ ਦੀ ਪਿੱਠ ਭੂਮੀ ’ਤੇ ਬਣੀ ਇਹ ਫਿਲਮ ਗਾਂਧੀ ਦੀ ਬਤੌਰ ਮੁੱਖ ਕਲਾਕਾਰ ਪਹਿਲੀ ਹਿੰਦੀ ਫੀਚਰ ਫਿਲਮ ਹੈ। ‘ਭਵਈ’ ਫਿਲਮ ਦੋ ਵਿਅਕਤੀਆਂ ਬਾਰੇ ਹੈ ਜੋ ਰਾਮ ਲੀਲ੍ਹਾ ’ਚ ਕੰਮ ਕਰਦੇ ਹਨ। ਇਸ ’ਚ ਦਿਖਾਇਆ ਗਿਆ ਹੈ ਕਿ ਰਾਮਲੀਲ੍ਹਾ ਕਿਵੇਂ ਉਨ੍ਹਾਂ ਦੀ ਨਿੱਜੀ ਜ਼ਿੰਦਗੀ ’ਤੇ ਅਸਰ ਪਾਉਂਦੀ ਹੈ। -ਆਈਏਐੱਨਐੱਸ
ਸਬੰਧਿਤ ਖ਼ਬਰਾਂ
