ਮੁੰਬਈ, 9 ਫਰਵਰੀ
ਫਿਲਮ ਨਿਰਦੇਸ਼ਕ ਵਿਕਰਮ ਭੱਟ ਦੀ ਧੀ ਕ੍ਰਿਸ਼ਨਾ ਭੱਟ ਵੱਲੋਂ ਨਿਰਦੇਸ਼ਿਤ ਵੈੱਬ ਸੀਰੀਜ਼ ‘ਮਾਇਆ’ ਦਾ ਚੌਥਾ ਸੀਜ਼ਨ 10 ਫਰਵਰੀ ਨੂੰ ਰਿਲੀਜ਼ ਕਰਨ ਦੀਆਂ ਸਾਰੀਆਂ ਤਿਆਰੀਆਂ ਮੁਕੰਮਲ ਹੋ ਚੁੱਕੀਆਂ ਹਨ। ਕ੍ਰਿਸ਼ਨਾ ਭੱਟ ਦੇ ਨਿਰਦੇਸ਼ਨ ਹੇਠ ਬਣੀ ਇਸ ਵੈੱਬ ਸੀਰੀਜ਼ ਵਿੱਚ ਰੋਹਿਤ ਰਾਏ, ਪਵਨ ਚੋਪੜਾ ਅਤੇ ਇੰਦ੍ਰਿਤਾ ਰੇਅ ਮੁੱਖ ਭੂਮਿਕਾਵਾਂ ਨਿਭਾ ਰਹੇ ਹਨ। ਕ੍ਰਿਸ਼ਨਾ ਨੇ ਕਿਹਾ ਕਿ ਮਾਇਆ-4 ਦਾ ਨਿਰਦੇਸ਼ਨ ਕਰਕੇ ਉਸ ਨੂੰ ਉਹ ਚੀਜ਼ ਮਿਲ ਗਈ ,ਜੋ ਉਹ ਹਮੇਸ਼ਾ ਚਾਹੁੰਦੀ ਰਹੀ ਹੈ। ਉਸ ਨੇ ਕਿਹਾ ਕਿ ਉਹ ਬੜੀ ਉਤਸੁਕ ਸੀ ਕਿ ਉਹ ਰੋਹਿਤ, ਪਵਨ ਚੋਪੜਾ ਅਤੇ ਇੰਦ੍ਰਿਤਾ ਰੇਅ ਵਰਗੇੇ ਪ੍ਰਤਿਭਾਸ਼ਾਲੀ ਅਦਾਕਾਰਾਂ ਨਾਲ ਕੰਮ ਕਰੇ। ਬਾਲਗਾਂ ਲਈ ਬਣੀ ਵੈੱਬ ਸੀਰੀਜ਼ ਦੇ ਚੌਥੇ ਸੀਜ਼ਨ ਦੀ ਕਹਾਣੀ ਉਸ ਵਿਅਕਤੀ ਦੇ ਆਲੇ-ਦੁਆਲੇ ਘੁੰਮਦੀ ਹੈ, ਜੋ ਵਿਆਹ ਕਰਾਉਣ ਦੇ ਸੁਪਨੇ ਦੇਖਦਾ ਰਹਿੰਦਾ ਹੈ। ਇਸ ਵੈੱਬ ਸੀਰੀਜ਼ ਨੂੰ ਵਿਕਰਮ ਭੱਟ ਨੇ ਲਿਖਿਆ ਹੈ ਅਤੇ ਲੋਨਰੈਂਜ਼ਰ ਪ੍ਰੋਡਕਸ਼ਨਜ਼ ਵੱਲੋਂ ਪੇਸ਼ ਕੀਤੀ ਗਈ ਹੈ। -ਆਈਏਐੱਨਐੱਸ
