ਹਰਜੀਤ ਸਿੰਘ
ਜ਼ੀਰਕਪੁਰ, 7 ਦਸੰਬਰ
ਪੀਰਮੁਸਛੱਲਾ ਵਿਚ ਯੰਗਰਾਈਜ਼ਰਜ਼ ਬਾਸਕਟਬਾਲ ਅਕੈਡਮੀ ਵਲੋਂ ਦੋ ਰੋਜ਼ਾ ਟੂਰਨਾਮੈਂਟ ਕਰਵਾਇਆ ਗਿਆ। ਇਸ ਦੌਰਾਨ ਪੰਜਾਬ, ਹਰਿਆਣਾ ਅਤੇ ਹਿਮਾਚਲ ਤੋਂ ਕੁੱਲ 50 ਟੀਮਾਂ ਨੇ ਹਿੱਸਾ ਲਿਆ। ਫਾਈਨਲ ਮੁਕਾਬਲੇ ਵਿਚ ਸੀਨੀਅਰ ਲੜਕਿਆਂ ਦੇ ਇਲਾਈਟ ਕਲੱਬ ਮੁਹਾਲੀ ਨੇ ਫਿਰੋਜ਼ਪੁਰ ਨੂੰ 21-18 ਦੇ ਮੁਕਾਬਲੇ ਵਿਚ ਹਰਾ ਕੇ ਪਹਿਲਾ ਸਥਾਨ ਹਾਸਲ ਕੀਤਾ। ਇਸੇ ਤਰ੍ਹਾਂ ਲੜਕੀਆਂ ਦੀ ਟੀਮ ਵਿਚ ਲੁਧਿਆਣਾ ਨੇ ਕੈਥਲ ਨੂੰ 19-15 ਨਾਲ ਹਰਾ ਕੇ ਪਹਿਲਾ ਸਥਾਨ ਹਾਸਲ ਕੀਤਾ। ਲੜਕਿਆਂ ਦੀ ਟੀਮ ਵਿਚ ਸਹਿਜ ਸੇਖੋਂ ਤੇ ਕੁੜੀਆਂ ਵਿਚ ਲੁਧਿਆਣਾ ਦੀ ਸੁਖਦੀਪ ਕੌਰ ਬੈਸਟ ਅਥਲੀਟ ਬਣੇ। ਇਸ ਮੌਕੇ ਹਲਕਾ ਵਿਧਾਇਕ ਐਨ.ਕੇ. ਸ਼ਰਮਾ ਨੇ ਖਿਡਾਰੀਆਂ ਦੀ ਹੌਸਲਾ ਅਫਜ਼ਾਈ ਕੀਤੀ।
