ਕੋਲਕਾਤਾ: ਰਾਜਸਥਾਨ ਯੂਨਾਈਟਿਡ ਐਫਸੀ ਤੇ ਚੇਨੱਈਅਨ ਐਫਸੀ ਨੇ ਅੱਜ ਇੱਥੇ ਆਪਣੇ ਮੁਕਾਬਲਿਆਂ ਵਿਚ 2-0 ਦੇ ਬਰਾਬਰ ਫ਼ਰਕ ਨਾਲ ਜਿੱਤ ਹਾਸਲ ਕਰ ਕੇ ਡੂਰੰਡ ਕੱਪ ਦੇ ਕੁਆਰਟਰ ਫਾਈਨਲ ’ਚ ਥਾਂ ਬਣਾ ਲਈ। ਰਾਜਸਥਾਨ ਨੇ ਗਰੁੱਪ ਬੀ ਦੇ ਮੈਚ ਵਿਚ ਭਾਰਤੀ ਜਲ ਸੈਨਾ ਦੀ ਫੁਟਬਾਲ ਟੀਮ ਨੂੰ ਹਰਾਇਆ ਜਦਕਿ ਚੇਨਈ ਨੇ ਨੇਰੋਕਾ ਐਫਸੀ ਨੂੰ ਮਾਤ ਦਿੱਤੀ। ਰਾਜਸਥਾਨ ਦੀ ਟੀਮ ਗਰੁੱਪ ਬੀ ਵਿਚ ਦੂਜੇ ਸਥਾਨ ਉਤੇ ਰਹੀ। ਮੁੰਬਈ ਐਫਸੀ ਦੀ ਟੀਮ ਨੇ ਗਰੁੱਪ ਬੀ ਵਿਚ ਸਿਖ਼ਰ ਉਤੇ ਰਹਿੰਦਿਆਂ ਕੁਆਰਟਰ ਫਾਈਨਲ ਵਿਚ ਥਾਂ ਬਣਾ ਲਈ। ਮੁੰਬਈ ਦੀ ਜਿੱਤ ਦੇ ਨਾਲ ਹੀ ਸ਼ਹਿਰ ਦੀ ਵੱਡੀ ਟੀਮ ਮੋਹਨ ਬਗਾਨ ਆਪਣੇ ਪੁਰਾਣੇ ਵਿਰੋਧੀ ਈਸਟ ਬੰਗਾਲ ਵਾਂਗ ਗਰੁੱਪ ਗੇੜ ਵਿਚੋਂ ਹੀ ਬਾਹਰ ਹੋ ਗਈ ਹੈ। -ਪੀਟੀਆਈ
ਸਬੰਧਿਤ ਖ਼ਬਰਾਂ
