ਕੈਨਕੁਨ (ਮੈਕਸਿਕੋ), 7 ਨਵੰਬਰ
ਦੋ ਮਹੀਨੇ ਪਹਿਲਾਂ ਨੰਬਰ ਇਕ ਦਾ ਤਾਜ ਗੁਆਉਣ ਵਾਲੀ ਟੈਨਿਸ ਖਿਡਾਰਨ ਈਗਾ ਸਵਿਆਤੇਕ ਨੇ ਇੱਥੇ ਜੈਸਿਕਾ ਪੇਗੁਲਾ ਨੂੰ 6-1, 6-0 ਨਾਲ ਹਰਾ ਕੇ ਡਬਲਿਊਟੀਏ ਫਾਈਨਲਜ਼ ਦਾ ਖਤਿਾਬ ਜਿੱਤ ਲਿਆ ਅਤੇ ਮੁੜ ਸਿਖਰਲਾ ਸਥਾਨ ਹਾਸਲ ਕਰ ਲਿਆ। ਪੋਲੈਂਡ ਦੀ ਸਵਿਆਤੇਕ ਨੇ ਸੀਜ਼ਨ ਦੀ ਆਖਰੀ ਚੈਂਂਪੀਅਨਸ਼ਿਪ ਵਿੱਚ 5-0 ਦਾ ਰਿਕਾਰਡ ਬਣਾਇਆ। 2023 ਵਿੱਚ ਉਸ ਦਾ ਰਿਕਾਰਡ 68-11 ਹੋ ਗਿਆ, ਜਿਸ ਵਿੱਚ ਛੇ ਖਤਿਾਬ ਵੀ ਸ਼ਾਮਲ ਹਨ। ਉਸ ਨੇ ਜੂਨ ਵਿੱਚ ਫਰੈਂਚ ਓਪਨ ਜਿੱਤਿਆ, ਜੋ ਉਸ ਦੇ ਕਰੀਅਰ ਦਾ ਚੌਥਾ ਖਤਿਾਬ ਸੀ।
ਅਮਰੀਕਾ ਦੀ ਪੇਗੁਲਾ ਨੇ ਗਰੁੱਪ ਗੇੜ ਵਿੱਚ ਨੰਬਰ ਇੱਕ ਆਰਿਆਨਾ ਸਬਾਲੇਂਕਾ ਅਤੇ ਚੌਥਾ ਦਰਜਾ ਪ੍ਰਾਪਤ ਏਲੇਨਾ ਰਾਇਬਾਕਿਨਾ ਨੂੰ ਹਰਾਇਆ। ਇਸ ਤੋਂ ਬਾਅਦ ਉਸ ਨੇ ਸੈਮੀਫਾਈਨਲ ’ਚ ਕੋਕੋ ਗੌਫ ਨੂੰ ਮਾਤ ਦਿੱਤੀ ਪਰ ਫਾਈਨਲ ’ਚ ਉਸ ਨੂੰ ਸਵਿਆਤੇਕ ਤੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ। -ਏਪੀ
