ਸੇਂਟ ਪੀਟਰਜ਼ਬਰਗ: ਸਵਿਟਜ਼ਰਲੈਂਡ ਨੂੰ ਪੈਨਲਟੀ ਸ਼ੂਟਆਊਟ ਵਿੱਚ 3-1 ਨਾਲ ਹਰਾ ਕੇ ਸਪੇਨ ਯੂਰਪੀ ਫੁਟਬਾਲ ਚੈਂਪੀਅਨਸ਼ਿਪ ਦੇ ਸੈਮੀਫਾਈਨਲ ਵਿੱਚ ਪਹੁੰਚ ਗਿਆ ਹੈ। ਇਸ ਮੁਕਾਬਲੇ ਦੇ ਵਾਧੂ ਸਮੇਂ ਵਿੱਚ ਸਪੇਨ ਨੇ ਪੈਨਲਟੀ ਦੇ ਕਈ ਮੌਕੇ ਗਵਾਏ, ਜਿਸ ਦੀ ਬਦੌਲਤ ਸਵਿਟਜ਼ਰਲੈਂਡ ਨੇ ਮੁਕਾਬਲਾ 1-1 ਨਾਲ ਬਰਾਬਰ ਕਰ ਕੇ ਪੈਨਲਟੀ ਸ਼ੂਟਆਊਟ ਤੱਕ ਖਿੱਚਿਆ। ਮੁਕਾਬਲੇ ਦੇ ਅੱਠਵੇਂ ਮਿੰਟ ਵਿੱਚ ਹੀ ਅੱਗੇ ਨਿਕਲਣ ਵਾਲੀ ਸਵਿਟਜ਼ਰਲੈਂਡ ਟੀਮ ਨੂੰ ਗਲਤੀ ਉਸ ਵੇਲੇ ਭਾਰੀ ਪਈ ਜਦੋਂ ਮਿਕੇਲ ਓਯਰਜ਼ਾਬਾਲ ਦੀ ਫੈਸਲਾਕੁਨ ਪੈਨਲਟੀ ਨੂੰ ਗੋਲਕੀਪਰ ਯਾਨਾ ਸੋਮੇਰ ਰੋਕ ਨਹੀਂ ਸਕਿਆ।
ਮਿਊਨਿਖ: ਇਟਲੀ ਨੇ ਖਿਤਾਬ ਦੀ ਮੁੱਖ ਦਾਅਵੇਦਾਰ ਮੰਨੀ ਜਾ ਰਹੇ ਬੈਲਜੀਅਮ ਨੂੰ 2-1 ਨਾਲ ਹਰਾ ਕੇ ਯੂਰਪੀ ਫੁਟਬਾਲ ਚੈਂਪੀਅਨਸ਼ਿਪ ਦੇ ਸੈਮੀਫਾਈਨਲ ਵਿੱਚ ਜਗ੍ਹਾ ਬਣਾ ਲਈ ਹੈ। ਇਟਲੀ ਲਈ ਨਿਕੋਲੋ ਬਾਰੇਲਾ ਅਤੇ ਲੋਰੇਂਜ਼ੋ ਇਨਸਿਗਨੇ ਨੇ ਗੋਲ ਕੀਤੇ। ਬੈਲਜੀਅਮ ਲਈ ਇੱਕੋ-ਇੱਕ ਗੋਲ ਰੋਮੇਲੂ ਲੁਕਾਕੂ ਨੇ ਕੀਤਾ। ਇਟਲੀ ਲਗਾਤਾਰ 32 ਮੁਕਾਬਲੇ ਜਿੱਤ ਚੁੱਕੀ ਹੈ। ਟੀਮ ਦਾ ਮੁਕਾਬਲਾ ਹੁਣ ਮੰਗਲਵਾਰ ਨੂੰ ਸਪੇਨ ਨਾਲ ਹੋਵੇਗਾ। -ਏਪੀ
