ਜੇ.ਬੀ.ਸੇਖੋਂ
ਗੜ੍ਹਸ਼ੰਕਰ, 28 ਫਰਵਰੀ
ਪ੍ਰਿੰਸੀਪਲ ਹਰਭਜਨ ਸਿੰਘ ਸਪੋਰਟਿੰਗ ਕਲੱਬ ਵੱਲੋਂ ਪ੍ਰਧਾਨ ਕੁਲਵੰਤ ਸਿੰਘ ਸੰਘਾ ਦੀ ਅਗਵਾਈ ਹੇਠ ਮਾਹਿਲਪੁਰ ਦੇ ਸ੍ਰੀ ਗੁਰੂ ਗੋਬਿੰਦ ਸਿੰਘ ਖਾਲਸਾ ਕਾਲਜ ਦੇ ਖੇਡ ਮੈਦਾਨ ਵਿੱਚ ਕਰਵਾਏ ਜਾ ਰਹੇ 59ਵੇਂ ਪ੍ਰਿੰਸੀਪਲ ਹਰਭਜਨ ਸਿੰਘ ਯਾਦਗਾਰੀ ਆਲ ਇੰਡੀਆ ਫੁਟਬਾਲ ਟੂਰਨਾਮੈਂਟ ਦਾ ਅੱਜ ਪਹਿਲਾ ਮੈਚ ਸੰਤ ਬਾਬਾ ਭਾਗ ਸਿੰਘ ਯੂਨੀਵਰਸਿਟੀ ਖਿਆਲਾ ਅਤੇ ਡੀਪੀਐੱਸ ਪਾਰੋਵਾਲ ਦੀ ਟੀਮ ਵਿਚਕਾਰ ਖੇਡਿਆ ਗਿਆ। ਇਸ ਮੈਚ ਵਿੱਚ ਸੰਤ ਬਾਬਾ ਭਾਗ ਸਿੰਘ ਯੂਨੀਵਰਸਿਟੀ ਨੇ ਡੀਪੀਐੱਸ ਪਾਰੋਵਾਲ ਦੀ ਟੀਮ ਨੂੰ 2-1 ਦੇ ਫਰਕ ਨਾਲ ਹਰਾਇਆ। ਦੂਜੇ ਮੈਚ ਵਿੱਚ ਸੀਪੀਆਰਐੱਫ ਜਲੰਧਰ ਦੀ ਟੀਮ ਨੇ ਰੇਂਜਰਸ ਫੁੱਟਬਾਲ ਕਲੱਬ ਦਿੱਲੀ ਨੂੰ 3-0 ਦੇ ਫਰਕ ਨਾਲ ਚਿੱਤ ਕੀਤਾ। ਦਿਨ ਦੇ ਤੀਜੇ ਮੈਚ ਵਿੱਚ ਖਾਲਸਾ ਵਾਰੀਅਰਜ਼ ਕੁਰਾਲੀ ਦੀ ਟੀਮ ਨੇ ਇੰਡੀਅਨ ਨੇਵੀ ਦੀ ਟੀਮ ਨੂੰ ਪੈਨਲਟੀ ਸੂਟਆਊਟ ਰਾਹੀਂ 4-3 ਦੇ ਫਰਕ ਨਾਲ ਹਰਾਇਆ। ਇਸ ਮੌਕੇ ਦਲਜੀਤ ਸਿੰਘ ਸਹੋਤਾ ਅਤੇ ਸੁਰਿੰਦਰ ਸਿੰਘ ਭੁੱਲੇਵਾਲ ਰਾਠਾਂ ਨੇ ਮੁੱਖ ਮਹਿਮਾਨ ਵੱਜੋਂ ਹਾਜ਼ਰੀ ਭਰੀ। ਇਸ ਮੌਕੇ ਕਲੱਬ ਦੇ ਅਹੁਦੇਦਾਰਾਂ ਤੋਂ ਇਲਾਵਾ ਪਰਵਾਸੀ ਭਾਰਤੀ ਕੁੰਦਨ ਸਿੰਘ ਸੱਜਣ, ਪ੍ਰਿੰ. ਡਾ. ਜਸਪਾਲ ਸਿੰਘ, ਪ੍ਰਿੰ. ਡਾ. ਰੋਹਤਾਂਸ਼, ਪ੍ਰਿੰ. ਜਗਮੋਹਨ ਸਿੰਘ ਬੱਡੋਂ, ਪ੍ਰਿੰ. ਸੁਰਿੰਦਰ ਪਾਲ ਪ੍ਰਦੇਸੀ ਆਦਿ ਹਾਜ਼ਰ ਸਨ।
