ਜਗਰੇਬ (ਕ੍ਰੋਏਸ਼ੀਆ): ਨੌਜਵਾਨ ਕ੍ਰਿਕਟਰ ਗਰੈਂਡਮਾਸਟਰ ਡੀ ਗੁਕੇਸ਼ 2023 ਸੁਪਰ ਯੂਨਾਈਟਿਡ ਰੈਪਿਡ ਤੇ ਬਲਿਟਜ਼ ਸ਼ਤਰੰਜ ਟੂਰਨਾਮੈਂਟ ਦੇ ਤੀਜੇ ਗੇੜ ਵਿੱਚ ਪੰਜਵੇਂ ਸਥਾਨ ’ਤੇ ਰਿਹਾ ਜਦਕਿ ਹਮਵਤਨ ਉੱਘੇ ਖਿਡਾਰੀ ਵਿਸ਼ਵਨਾਥ ਆਨੰਦ ਨੇ ਸਾਂਝੇ ਤੌਰ ’ਤੇ ਸੱਤਵਾਂ ਸਥਾਨ ਹਾਸਲ ਕੀਤਾ। ਬਲਿਟਜ਼ ਵਰਗ ਵਿੱਚ ਸ਼ੁਰੂਆਤੀ ਦਿਨ ਔਸਤ ਪ੍ਰਦਰਸ਼ਨ ਕਰਨ ਵਾਲੇ ਗੁਕੇਸ਼ ਨੇ ਦੂਜੇ ਦਿਨ ਚੰਗੀ ਵਾਪਸੀ ਕਰਦੇ ਹੋਏ 6.5 ਅੰਕ ਹਾਸਲ ਕੀਤੇ। ਉਸ ਨੇ ਇਸ ਦੌਰਾਨ ਆਨੰਦ, ਫੈਬਿਆਨੋ ਕਰੂਆਨਾ (ਅਮਰੀਕਾ) ਅਤੇ ਜੇਨ-ਕ੍ਰਿਜ਼ਸਟੋਫ ਡੂਡਾ (ਪੋਲੈਂਡ) ਵਰਗੇ ਸਿਖਰਲੇ ਦਰਜੇ ਦੇ ਖਿਡਾਰੀਆਂ ਨੂੰ ਹਰਾਇਆ। ਰੈਪਿਡ ਵਰਗ ਵਿੱਚ ਟੂਰਨਾਮੈਂਟ ’ਚ ਪਹਿਲੀ ਵਾਰ ਆਨੰਦ ਨੂੰ ਹਰਾਉਣ ਵਾਲੇ ਗੁਕੇਸ਼ ਨੇ ਐਤਵਾਰ ਨੂੰ ਬਲਿਟਜ਼ ਵਿੱਚ ਇਸ ਪੰਜ ਵਾਰ ਦੇ ਵਿਸ਼ਵ ਚੈਂਪੀਅਨ ਨੂੰ 34 ਚਾਲਾਂ ਵਿੱਚ ਹਰਾਇਆ। -ਪੀਟੀਆਈ
ਸਬੰਧਿਤ ਖ਼ਬਰਾਂ
