ਪੱਤਰ ਪ੍ਰੇਰਕ
ਟਾਂਡਾ, 29 ਨਵੰਬਰ
ਇੱਥੋਂ ਦੇ ਗਿਆਨੀ ਕਰਤਾਰ ਸਿੰਘ ਯਾਦਗਾਰੀ ਸਟੇਡੀਅਮ, ਸਰਕਾਰੀ ਕਾਲਜ ਵਿਚ ਅਰਵਿੰਦਰ ਸਿੰਘ ਰਿੰਕੂ ਯਾਦਗਾਰੀ ਸੂਬਾ ਪੱਧਰੀ ਅਥਲੈਟਿਕ ਮੀਟ ਕਰਵਾਈ ਗਈ। ਜੇਤੂ ਖਿਡਾਰੀਆਂ ਨੂੰ ਇਨਾਮਾਂ ਦੀ ਵੰਡ ਮੁੱਖ ਮਹਿਮਾਨ ਵਣ, ਜੰਗਲੀ ਜੀਵ ਤੇ ਕਿਰਤ ਮੰਤਰੀ ਪੰਜਾਬ ਸੰਗਤ ਸਿੰਘ ਗਿਲਜੀਆਂ ਨੇ ਕੀਤੀ। ਇਸ ਮੌਕੇ ਓਪਨ ਵਰਗ ’ਚ 100 ਮੀਟਰ ਦੌੜ ਵਿੱਚ ਬਟਾਲਾ ਦੇ ਹਰਮਨਜੋਤ ਸਿੰਘ ਅਤੇ ਖੁਜਾਲਾ ਦੀ ਲਵਪ੍ਰੀਤ ਕੌਰ ਜੇਤੂ ਰਹੇ ਜਦਕਿ ਅੰਡਰ 19 ਵਰਗ ਵਿੱਚ ਚੱਬੇਵਾਲ ਦਾ ਸਾਹਿਲਪ੍ਰੀਤ ਸਿੰਘ, ਅੰਡਰ 14 ਸਾਲ ਵਰਗ ਵਿੱਚ ਗੁਰਦਾਸਪੁਰ ਦਾ ਜਗਜੀਤ ਸਿੰਘ ਅਤੇ ਭੋਗਪੁਰ ਦਾ ਵੰਦਨਾ ਅਤੇ 17 ਸਾਲ ਵਰਗ ਵਿੱਚ ਹੁਸ਼ਿਆਰਪੁਰ ਦਾ ਨਿਖਿਲ ਪਹਿਲੇ ਸਥਾਨ ’ਤੇ ਰਿਹਾ। 200 ਮੀਟਰ ਅੰਡਰ 17 ਵਰਗ ਵਿੱਚ ਟਾਂਡਾ ਦੀ ਤਰਨਪ੍ਰੀਤ ਕੌਰ ਜੇਤੂ ਰਹੀ। ਸ਼ਾਟਪੁਟ ਅੰਡਰ 19 ਵਿੱਚ ਜਲੰਧਰ ਦਾ ਸ਼ੁਭਕਰਮਨ ਸਿੰਘ, ਡਿਸਕਸ ਥਰੋਅ ਅੰਡਰ 17 ਵਿੱਚ ਜੌੜਾ ਦਾ ਭੁਪਿੰਦਰ ਸਿੰਘ, 3000 ਮੀਟਰ ਅੰਡਰ 19 ਵਿੱਚ ਪ੍ਰਿਅੰਕਾ, 1500 ਮੀਟਰ ਵਿੱਚ ਹੁਸ਼ਿਆਰਪੁਰ ਦਾ ਰਾਜੂ ਪਹਿਲੇ ਸਥਾਨ ’ਤੇ ਰਿਹਾ।
ਬੀਬੀ ਕੌਲਾਂ ਜੀ ਪਬਲਿਕ ਸਕੂਲ ਵਿੱਚ ਖੇਡ ਸਮਾਗਮ
ਅੰਮ੍ਰਿਤਸਰ (ਖੇਤਰੀ ਪ੍ਰਤੀਨਿਧ): ਬੀਬੀ ਕੌਲਾਂ ਜੀ ਪਬਲਿਕ ਸਕੂਲ (ਬਰਾਂਚ-1) ਵਿੱਚ ਤਿੰਨ ਰੋਜ਼ਾ ਖੇਡ ਸਮਾਗਮ ਕਰਵਾਇਆ ਗਿਆ। ਪ੍ਰੋਗਰਾਮ ਦੀ ਸ਼ੁਰੂਆਤ ਬੱਚਿਆਂ ਨੇ ਸ਼ਬਦ ਅਤੇ ਅਰਦਾਸ ਨਾਲ ਕੀਤੀ। ਪ੍ਰਿੰਸੀਪਲ ਜਸਲੀਨ ਕੌਰ ਨੇ ਸਪੋਰਟਸ ਮੀਟ ਦੀ ਸ਼ੁਰੂਆਤ ਕੀਤੀ। ਇਸ ਮੌਕੇ ਰੇਸ, ਫਰੋਗ ਰੇਸ, ਥ੍ਰੀ-ਲੈਗ ਰੇਸ, ਡੋਗ ਐਂਡ ਬੋਨ, ਰੀਲੇਅ ਦੌੜ, ਸੈਕ ਰੇਸ, ਬੈਕ ਰੇਸ, ਲੈਮਨ ਐਂਡ ਸਪੂਨ ਰੇਸ, ਸਿੰਗਲ ਲੈਗ ਰੇਸ ਸਮੇਤ ਹੋਰ ਖੇਡਾਂ ਕਰਵਾਈਆਂ ਗਈਆਂ। ਜੇਤੂ ਵਿਦਿਆਰਥੀਆਂ ਦਾ ਪ੍ਰਿੰਸੀਪਲ ਜਸਲੀਨ ਕੌਰ ਨੇ ਸਨਮਾਨ ਕੀਤਾ।
