ਪੱਤਰ ਪ੍ਰੇਰਕ
ਅਮਲੋਹ, 1 ਮਾਰਚ
ਐੱਨਆਰਆਈ ਸਪੋਰਟਸ ਕਲੱਬ ਅਮਲੋਹ ਵੱਲੋਂ ਭਲਿੰਦਰ ਸਿੰਘ ਦੀ ਯਾਦ ਵਿੱਚ ਕਰਵਾਇਆ 10ਵਾਂ ਆਲ ਇੰਡੀਆ ਹਾਕੀ ਟੂਰਨਾਮੈਂਟ ਸਰਕਾਰੀ ਸਕੂਲ ਲੜਕੇ ਅਮਲੋਹ ਵਿਚ ਸਮਾਪਤ ਹੋ ਗਿਆ। ਕਲੱਬ ਪ੍ਰਧਾਨ ਸ਼ਿੰਦਰ ਮੋਹਨ ਪੁਰੀ ਤੇ ਰੁਪਿੰਦਰ ਹੈਪੀ ਨੇ ਖਿਡਾਰੀਆਂ ਅਤੇ ਆਏ ਮਹਿਮਾਨਾਂ ਨੂੰ ਜੀ ਆਇਆਂ ਕਿਹਾ। ਇਨਾਮ ਵੰਡਣ ਦੀ ਰਸਮ ਵਿਧਾਇਕ ਰਣਦੀਪ ਸਿੰਘ, ਇੰਡੀਅਨ ਹਾਕੀ ਟੀਮ ਦੇ ਕੈਪਟਨ ਉਲੰਪੀਅਨ ਸਰਦਾਰਾ ਸਿੰਘ, ਕੌਮਾਂਤਰੀ ਖਿਡਾਰੀ ਦੀਦਾਰ ਸਿੰਘ, ਜੁਆਇੰਟ ਡਾਇਰੈਕਟਰ (ਖੇਡਾਂ) ਕਰਤਾਰ ਸਿੰਘ ਨੇ ਕੀਤੀ। ਲੜਕਿਆਂ ਵਿਚ ਸਿੱਖ ਰੈਜੀਮੈਂਟ ਰਾਮਗੜ੍ਹ ਦੀ ਟੀਮ ਨੇ ਹਿਮਾਚਲ ਇਲੈਵਨ ਨੂੰ ਹਰਾ ਕੇ ਐੱਨਆਰਆਈ ਗੁਰਜੀਤ ਸਿੰਘ ਰੂਬੀ ਖਨਿਆਣ ਤੋਂ 41 ਹਜ਼ਾਰ ਦੀ ਰਾਸ਼ੀ ਪ੍ਰਾਪਤ ਕੀਤੀ। ਰਨਰਅਪ ਟੀਮ ਨੂੰ ਐੱਨਆਰਆਈ ਜਗਜੀਤ ਸਿੰਘ ਦੀਸ਼ਾ ਤੇ ਸੁਖਵੀਰ ਜੰਜੂਆਂ ਨੇ 31 ਹਜ਼ਾਰ ਨਕਦ ਦਿੱਤੇ। ਲੜਕੀਆਂ ’ਚ ਪੰਜਾਬੀ ’ਵਰਸਿਟੀ ਦੀ ਟੀਮ ਨੂੰ ਦੀਸ਼ਾ ਗੁਪਤਾ ਸ਼ਰਮਾ ਨੇ 21 ਹਜ਼ਾਰ ਦੀ ਰਾਸ਼ੀ ਨਾਲ ਸਨਮਾਨਿਆ।
