ਚੇਨੱਈ: ਮੇਜ਼ਬਾਨ ਤਾਮਿਲਨਾਡੂ ਨੇ ਅੱਜ ਇੱਥੇ 14ਵੀਂ ਹਾਕੀ ਇੰਡੀਆ ਸੀਨੀਅਰ ਪੁਰਸ਼ ਕੌਮੀ ਚੈਂਪੀਅਨਸ਼ਿਪ ਵਿੱਚ ਅੰਡੇਮਾਨ ਅਤੇ ਨਿਕੋਬਾਰ ਨੂੰ 43-0 ਨਾਲ ਹਰਾ ਦਿੱਤਾ, ਜਦਕਿ ਮੱਧ ਪ੍ਰਦੇਸ਼ ਨੇ ਆਂਧਰਾ ਪ੍ਰਦੇਸ਼ ’ਤੇ 17-0 ਨਾਲ ਇੱਕਤਰਫ਼ਾ ਜਿੱਤ ਦਰਜ ਕੀਤੀ। ਤਾਮਿਲਨਾਡੂ ਤਰਫ਼ੋਂ ਕਪਤਾਨ ਕਾਰਤੀ ਐੱਸ ਨੇ 13 ਗੋਲ ਦਾਗ਼ੇ, ਜਦਕਿ ਸੋਮੰਨਾ ਬੀਬੀ ਅਤੇ ਸੁੰਦਰਾਪੰਦੀ ਨੇ ਨੌਂ-ਨੌਂ ਗੋਲ ਕੀਤੇ। ਮੇਜ਼ਬਾਨ ਟੀਮ ਤਰਫ਼ੋਂ ਮਰੀਸਵਰਨ ਨੇ ਛੇ ਗੋਲ ਦਾਗ਼ੇ, ਜਦਕਿ ਪ੍ਰਿਥਵੀ ਜੀਐੱਮ, ਸੇਲਵਰਾਜ ਕਨੰਗਰਾਜ ਅਤੇ ਸ਼ਿਆਮ ਕੁਮਾਰ ਨੇ ਕਰਮਵਾਰ ਤਿੰਨ, ਦੋ ਅਤੇ ਇੱਕ ਗੋਲ ਕੀਤਾ। ਉੱਤਰ ਪ੍ਰਦੇਸ਼ ਨੇ ਦਿੱਲੀ ਨੂੰ 4-1, ਚੰਡੀਗੜ੍ਹ ਨੇ ਉੱਤਰਾਖੰਡ ਨੂੰ 9-0 ਅਤੇ ਮਿਜ਼ੋਰਮ ਨੇ ਤਿਲੰਗਾਨਾ ਨੂੰ 2-1 ਨਾਲ ਹਰਾਇਆ। -ਪੀਟੀਆਈ
ਸਬੰਧਿਤ ਖ਼ਬਰਾਂ
