ਦੁਬਈ, 11 ਅਕਤੂਬਰ
ਇਥੇ ਖੇਡੇ ਜਾ ਰਹੇ ਆਈਪੀਐਲ ਦੇ ਐਲਿਮੀਨੇਟਰ ਮੁਕਾਬਲੇ ਵਿਚ ਕੋਲਕਾਤਾ ਨਾਈਟ ਰਾਈਡਰਜ਼ ਨੇ ਰਾਇਲ ਚੈਲੰਜਰਜ਼ ਬੰਗਲੌਰ ਨੂੰ ਚਾਰ ਵਿਕਟਾਂ ਨਾਲ ਹਰਾ ਦਿੱਤਾ ਹੈ। ਇਸ ਜਿੱਤ ਨਾਲ ਵਿਰਾਟ ਕੋਹਲੀ ਦੀ ਰਾਇਲ ਚੈਲੰਜਰਜ਼ ਮੁਕਾਬਲੇ ਤੋਂ ਬਾਹਰ ਹੋ ਗਈ ਹੈ। ਮੈਚ ਵਿਚ ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ ਰਾਇਲ ਚੈਲੰਜਰਜ਼ ਬੰਗਲੌਰ ਨੇ ਨਿਰਧਾਰਿਤ 20 ਓਵਰਾਂ ਵਿਚ 138 ਦੌੜਾਂ ਬਣਾਈਆਂ ਸਨ ਜਿਸ ਵਿਚ ਕਪਤਾਨ ਵਿਰਾਟ ਕੋਹਲੀ ਦੀਆਂ 39 ਤੇ ਡੀ ਪਾਦੀਕਲ ਦੀਆਂ 21 ਦੌੜਾਂ ਸ਼ਾਮਲ ਸਨ। ਕੋਲਕਾਤਾ ਦੀ ਟੀਮ ਨੇ ਜੇਤੂ ਟੀਚਾ 19.4 ਓਵਰਾਂ ਵਿਚ ਹੀ ਪੂਰਾ ਕਰ ਲਿਆ ਤੇ ਉਸ ਦੀਆਂ ਛੇ ਵਿਕਟਾਂ ਡਿੱਗੀਆਂ। ਕੋਲਕਾਤਾ ਵਲੋਂ ਸ਼ੁਭਮਨ ਗਿੱਲ ਨੇ 29, ਸੁਨੀਲ ਨਰੇਣ ਨੇ 26 ਤੇ ਐਨ ਰਾਣਾ ਨੇ 23 ਦੌੜਾਂ ਦਾ ਯੋਗਦਾਨ ਦਿੱਤਾ।-ਪੀਟੀਆਈ
