ਨੌਰੀ, ਦਿਮਿਤ੍ਰੋਵ ਇੰਡੀਅਨ ਵੇਲਜ਼ ਦੇ ਸੈਮੀਫਾਈਨਲ ’ਚ

ਇੰਡੀਅਨ ਵੇਲਜ਼: ਬ੍ਰਿਟੇੇਨ ਦੇ ਕੈਮਰਨ ਨੌਰੀ ਨੇ 11ਵਾਂ ਦਰਜਾ ਪ੍ਰਾਪਤ ਡੀਏਗੋ ਸ਼ਵਾਰਟਜ਼ਮੈਨ ਨੂੰ 6-0, 6-2  ਨਾਲ ਹਰਾ ਕੇ ਬੀਐੱਨਪੀ ਪਰਬਿਾਸ ਓਪਨ ਟੈਨਿਸ ਦੇ ਸੈਮੀਫਾਈਨਲ ਵਿੱਚ ਥਾਂ ਬਣਾ ਲਈ ਹੈ, ਜਦੋਂਕਿ 23ਵਾਂ ਦਰਜਾ ਪ੍ਰਾਪਤ ਗ੍ਰਿਗੋਰ ਦਿਮਿਤ੍ਰੋਵ ਨੇ ਹੁਬਰਟ ਹੁਰਕਾਜ਼ ਨੂੰ 3-6, 6-5, 7-6 ਨਾਲ ਮਾਤ ਦਿੱਤੀ। ਮਹਿਲਾ ਵਰਗ ਵਿੱਚ ਓਨਸ ਜੇਬਿਉਰ ਵੀ ਸੈਮੀਫਾਈਨਲ ਵਿੱਚ ਪਹੁੰਚ ਗਈ ਹੈ। ਉਸ ਨੇ ਐਨਟ ਕੌਂਟਾਵੇਟ ਨੂੰ 7-5, 6-3 ਨਾਲ ਹਰਾਇਆ। ਇਸ ਜਿੱਤ ਮਗਰੋਂ ਟਿਊਨੀਸ਼ੀਆ ਦੀ ਇਹ ਖਿਡਾਰਨ ਪਹਿਲੀ ਵਾਰ ਵਿਸ਼ਵ ਦਰਜਾਬੰਦੀ ਵਿੱਚ ਪਹਿਲੇ ਦਸ ਵਿੱਚ ਪਹੁੰਚ ਜਾਵੇਗੀ। ਦਸਵਾਂ ਦਰਜਾ ਪ੍ਰਾਪਤ ਏਂਜਲਿਕ ਕਰਬਰ ਨੂੰ ਪਾਊਲਾ ਬਾਡੋਸਾ ਨੇ 6-4, 7-5 ਨਾਲ ਸ਼ਿਕਸਤ ਦਿੱਤੀ। ਬਾਡੋਸਾ ਇਸ ਤੋਂ ਪਹਿਲਾਂ ਕੋਕੋ ਗੌਫ ਅਤੇ ਬਾਰਬਰਾ ਕ੍ਰੇਈਸਿਕੋਵਾ ਨੂੰ ਹਰਾ ਚੁੱਕੀ ਹੈ। ਉਹ ਸੈਮੀਫਾਈਨਲ ਵਿੱਚ ਜੇਬਿਉਰ ਨਾਲ ਭਿੜੇਗੀ। ਦੂਜੇ ਸੈਮੀਫਾਈਨਲ ਵਿੱਚ ਵਿਕਟੋਰੀਆ ਅਜਾਰੇਂਕਾ ਦਾ ਸਾਹਮਣਾ ਯੇਲੇਨਾ ਉਸਤਾਪੈਂਕੋ ਨਾਲ ਹੋਵੇਗਾ। -ਏਪੀ