ਸ਼ਾਰਜਾਹ, 3 ਅਕਤੂਬਰ
ਗਲੇਨ ਮੈਕਸਵੈੱਲ ਦੀ ਅਰਧ ਸੈਂਕੜੇ ਵਾਲੀ ਪਾਰੀ ਤੋਂ ਬਾਅਦ ਯੁਜਵੇਂਦਰ ਚਹਿਲ ਦੀ ਅਗਵਾਈ ਵਿਚ ਗੇਂਦਬਾਜ਼ਾਂ ਦੇ ਸ਼ਾਨਦਾਰ ਪ੍ਰਦਰਸ਼ਨ ਦੇ ਜ਼ੋਰ ’ਤੇ ਰੌਇਲ ਚੈਲੰਜਰਜ਼ ਬੰਗਲੌਰ (ਆਰਸੀਬੀ) ਨੇ ਇੰਡੀਅਨ ਪ੍ਰੀਮੀਅਰ ਲੀਗ (ਆਈਪੀਐੱਲ) ਮੁਕਾਬਲੇ ਵਿਚ ਅੱਜ ਇੱਥੇ ਪੰਜਾਬ ਕਿੰਗਜ਼ ਇਲੈਵਨ ਨੂੰ ਛੇ ਦੌੜਾਂ ਨਾਲ ਹਰਾ ਕੇ ਪਲੇਅਆਫ ਦੀ ਟਿਕਟ ਕਟਾ ਲਈ। ਟੀਮ ਦੇ 12 ਮੈਚਾਂ ਵਿਚ ਅੱਠ ਜਿੱਤਾਂ ਨਾਲ 16 ਅੰਕ ਹੋ ਗਏ ਹਨ ਜਦਕਿ ਪੰਜਾਬ ਦੇ 13 ਮੈਚਾਂ ਵਿਚ ਪੰਜ ਸਫ਼ਲਤਾਵਾਂ ਨਾਲ 10 ਅੰਕ ਹਨ। ਆਰਸੀਬੀ ਨੇ 164 ਦੌੜਾਂ ਬਣਾਉਣ ਮਗਰੋਂ ਪੰਜਾਬ ਕਿੰਗਜ਼ ਨੂੰ ਛੇ ਵਿਕਟਾਂ ’ਤੇ 158 ਦੌੜਾਂ ਦੇ ਸਕੋਰ ’ਤੇ ਹੀ ਰੋਕ ਦਿੱਤਾ।
ਉੱਧਰ, ਕੋਲਕਾਤਾ ਨਾਈਨ ਰਾਈਡਰਜ਼ (ਕੇਕੇਆਰ) ਨੇ ਅੱਜ ਸਨਰਾਈਜ਼ਰਜ਼ ਹੈਦਰਾਬਾਦ ਨੂੰ ਛੇ ਵਿਕਟਾਂ ਨਾਲ ਹਰਾ ਕੇ ਕੇਕੇਆਰ ਪਲੇਅਆਫ਼ ਦੇ ਨੇੜੇ ਪਹੁੰਚ ਗਈ ਹੈ। -ਪੀਟੀਆਈ
