ਸੰਦੀਪ ਸਿੰਘ ਨਾਲ ਰਲ ਕੇ ਫ਼ਿਲਮ ਬਣਾਏਗੀ ਕੰਗਨਾ

ਮੁੰਬਈ: ਬੌਲੀਵੁੱਡ ਅਦਾਕਾਰਾ ਕੰਗਨਾ ਰਣੌਤ ਹੁਣ ਫਿਲਮਸਾਜ਼ ਸੰਦੀਪ ਸਿੰਘ ਨਾਲ ਰਲ ਕੇ ਫ਼ਿਲਮ ਬਣਾਏਗੀ। ਇਹ ਫਿਲਮ ਵੱਡੇ ਬਜਟ ਵਾਲੀ ਹੋਵੇਗੀ, ਜਿਸ ਦੀ ਸ਼ੂਟਿੰਗ ਅਗਲੇ ਸਾਲ ਸ਼ੁਰੂ ਹੋਵੇਗੀ। ਫ਼ਿਲਮ ਨਿਰਮਾਤਾ ਜਲਦ ਹੀ ਨਿਰਦੇਸ਼ਕ ਤੇ ਫ਼ਿਲਮ ਦੇ ਨਾਮ ਦਾ ਐਲਾਨ ਕਰਨਗੇ। ਕੰਗਨਾ ਨੂੰ ਫ਼ਿਲਮ ‘ਫੈਸ਼ਨ’, ‘ਕੁਈਨ’, ‘ਤਨੂ ਵੈਡਜ਼ ਮਨੂ’ ਅਤੇ ‘ਪੰਗਾ’ ਲਈ ਜਾਣਿਆ ਜਾਂਦਾ ਹੈ। ਕੰਗਨਾ ਨੇ ਆਖਿਆ,”ਮੈਂ ਤੇ ਸੰਦੀਪ ਪਿਛਲੇ 13 ਸਾਲਾਂ ਤੋਂ ਦੋਸਤ ਹਾਂ ਅਤੇ ਕਾਫੀ ਲੰਮੇ ਸਮੇਂ ਤੋਂ ਫ਼ਿਲਮ ਬਣਾਉਣੀ ਚਾਹੁੰਦੇ ਸੀ। ਹੁਣ ਸਾਨੂੰ ਢੁਕਵਾਂ ਵਿਸ਼ਾ ਮਿਲਿਆ ਹੈ। ਮੇਰੇ ਕਰੀਅਰ ਦੀ ਇਹ ਸਭ ਤੋਂ ਵੱਡੀ ਫ਼ਿਲਮ ਹੋਵੇਗੀ ਅਤੇ ਇਸ ਵਿੱਚ ਭੂਮਿਕਾ ਵੀ ਸ਼ਾਨਦਾਰ ਹੋਵੇਗੀ।” ਦੂਜੇ ਪਾਸੇ ਸੰਦੀਪ ਸਿੰਘ ਨੇ ‘ਮੈਰੀ ਕੌਮ’, ‘ਅਲੀਗੜ੍ਹ’, ‘ਸਰਬਜੀਤ’ ਅਤੇ ‘ਝੁੰਡ’ ਵਰਗੀਆਂ ਫ਼ਿਲਮਾਂ ਪ੍ਰੋਡਿਊਸ ਕੀਤੀਆਂ ਹਨ। ਸੰਦੀਪ ਨੇ ਆਖਿਆ, ”ਕੰਗਨਾ ਨਾਲ ਰਲ ਕੇ ਕੰਮ ਕਰਨ ਦਾ ਮੇਰਾ ਸੁਫਨਾ ਪੂਰਾ ਹੋ ਗਿਆ ਹੈ। ਮੈਂ ਇਸ ਤੋਂ ਪਹਿਲਾਂ ਵੀ ਕੰਗਨਾ ਨੂੰ ਕੁਝ ਫਿਲਮਾਂ ਦੀ ਪੇਸ਼ਕਸ਼ ਕੀਤੀ ਸੀ ਪਰ ਉਹ ਕੰਗਨਾ ਦੀ ਅਦਾਕਾਰਾ ਦੀ ਵਜੋਂ ਯੋਗਤਾ ਦੇ ਫਿੱਟ ਨਹੀਂ ਬੈਠਦੀਆਂ ਸਨ।” -ਪੀਟੀਆਈ