ਪੱਤਰ ਪ੍ਰੇਰਕ
ਨਵੀਂ ਦਿੱਲੀ, 4 ਨਵੰਬਰ
ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਵੱਲੋਂ ਚਲਾਏ ਜਾ ਰਹੇ ਗੁਰੂ ਹਰਿਕ੍ਰਿਸ਼ਨ ਪਬਲਿਕ ਸਕੂਲਾਂ ਦੀ ਬਾਲਾ ਪ੍ਰੀਤਮ ਗੁਰੂ ਹਰਿਕ੍ਰਿਸ਼ਨ ਪਬਲਿਕ ਸਕੂਲ ਇੰਟਰ ਸਕੂਲ ਸਪੋਰਟਸ ਮੀਟ ਦੀ ਸ਼ੁਰੂਆਤ 18 ਸਾਲਾਂ ਬਾਅਦ ਹੋਈ। ਇਸ ਤਹਿਤ ਹੈਂਡਬਾਲ ਟੂਰਨਾਮੈਂਟ ਗੁਰੂ ਹਰਿਕ੍ਰਿਸ਼ਨ ਪਬਲਿਕ ਸਕੂਲ ਲੋਨੀ ਰੋਡ ਸ਼ਾਹਦਰਾ ਵਿੱਚ ਕਰਵਾਇਆ ਗਿਆ। ਲੋਨੀ ਰੋਡ ਸਕੂਲ ਪਹਿਲੇ, ਨਾਨਕ ਪਿਆਊ ਸਕੂਲ ਦੂਜੇ ਤੇ ਫਤਹਿ ਨਗਰ ਸਕੂਲ ਦੀ ਟੀਮ ਤੀਜੇ ਸਥਾਨ ‘ਤੇ ਰਹੀ। ਲੜਕੀਆਂ ਦੇ ਵਰਗ ਵਿਚ ਲੋਨੀ ਰੋਡ ਪਹਿਲੇ ਸਥਾਨ ‘ਤੇ ਰਹੇ, ਨਾਨਕ ਪਿਆਊ ਦੂਜੇ ਅਤੇ ਇੰਡੀਆ ਗੇਟ ਸਕੂਲ ਦੀ ਟੀਮ ਤੀਜੇ ਸਥਾਨ ‘ਤੇ ਰਹੀ। ਜੇਤੂ ਬੱਚਿਆਂ ਨੂੰ ਮੈਡਲ, ਸਰਟੀਫਿਕੇਟ ਤੇ ਟੀਮਾਂ ਵਾਸਤੇ ਪਹਿਲੇ, ਦੂਜੇ ਤੇ ਤੀਜੇ ਸਥਾਨ ‘ਤੇ ਰਹਿਣ ਵਾਲਿਆਂ ਨੂੰ ਕੱਪ ਦਿੱਤੇ ਗਏ ਹਨ।
