ਹਰਜੀਤ ਲਸਾੜਾ
ਬ੍ਰਿਸਬੇਨ, 4 ਨਵੰਬਰ
ਇੱਥੇ ਕ੍ਰਿਏਟਿਵ ਈਵੈਂਟ ਅਤੇ ਪਲੈਟੀਨਮ ਈਵੈਂਟ ਵੱਲੋਂ ਬ੍ਰਿਸਬਨ ਇੰਟਰਟੇਨਮੈਂਟ ਸੈਂਟਰ ਵਿੱਚ ਪੰਜਾਬੀ ਗਾਇਕ ਕਰਨ ਔਜਲਾ ਦਾ ਸ਼ੋਅ ਪ੍ਰਬੰਧਕ ਬਲਵਿੰਦਰ ਸਿੰਘ ਲਾਲੀ, ਸ਼ਿੰਕੂ ਨਾਭਾ, ਸੌਰਭ ਸਿੰਘ, ਐਂਡੀ ਸਿੰਘ, ਮੋਨੀਲ ਪਟੇਲ ਦੀ ਅਗਵਾਈ ਹੇਠ ਕਰਵਾਇਆ ਗਿਆ। ਸ਼ੋਅ ਦੀ ਸ਼ੁਰੂਆਤ ਸੰਗੀਤਕਾਰ ਤੇ ਰੈਪਰ ਇੱਕੀ ਵੱਲੋਂ ਕੀਤੀ ਗਈ। ਇਸ ਉਪਰੰਤ ਹਜ਼ਾਰਾਂ ਦੀ ਗਿਣਤੀ ’ਚ ਆਏ ਸੰਗੀਤ ਪ੍ਰੇਮੀਆਂ ਨੇ ਗਾਇਕ ਕਰਨ ਔਜਲਾ ਦਾ ਸਵਾਗਤ ਕੀਤਾ। ਕਰਨ ਔਜਲਾ ਨੇ ਆਪਣੇ ਨਵੇਂ-ਪੁਰਾਣੇ ਗੀਤਾਂ ‘ਚੁੰਨੀ ਮੇਰੀ ਰੰਗ ਦੇ’, ‘ਨਥਿੰਗ ਲਾਸਟਸ’, ‘ਤੌਬਾ-ਤੌਬਾ’, ‘ਮੈਕਸੀਕੋ ਚੱਲੀਏ’, ‘ਚਿੱਟਾ ਕੁੜਤਾ’, ‘ਕਿਆ ਬਾਤ ਆ’, ‘ਤਾਰਿਆਂ ਦੀ ਲੋਅ’ ਆਦਿ ਗੀਤਾਂ ਨਾਲ ਦੇਰ ਰਾਤ ਤੱਕ ਭਰਪੂਰ ਮਨੋਰੰਜਨ ਕੀਤਾ।
