ਪੇਈਚਿੰਗ:
ਚੀਨ ਅਗਲੇ ਸਾਲ ਆਪਣੇ ਵਰਕਰਾਂ ਦੀ ਸੇਵਾਮੁਕਤੀ ਉਮਰ ਹੱਦ ਵਧਾਉਣ ਜਾ ਰਿਹਾ ਹੈ। ਪੁਰਸ਼ਾਂ ਲਈ ਸੇਵਾਮੁਕਤੀ ਦੀ ਉਮਰ ਹੱਦ ਵਧਾ ਕੇ 63 ਸਾਲ ਕੀਤੀ ਜਾਵੇਗੀ, ਜਦਕਿ ਮਹਿਲਾਵਾਂ ਦੀ ਸੇਵਾਮੁਕਤੀ ਉਨ੍ਹਾਂ ਦੀ ਨੌਕਰੀ ਦੇ ਹਿਸਾਬ ਨਾਲ 55 ਤੋਂ 58 ਸਾਲ ’ਤੇ ਕੀਤੀ ਜਾਵੇਗੀ। ਮੌਜੂਦਾ ਸਮੇਂ ’ਚ ਪੁਰਸ਼ 60 ਸਾਲ ’ਚ ਰਿਟਾਇਰ ਹੁੰਦੇ ਹਨ, ਜਦਕਿ ਔਰਤਾਂ ਨੂੰ ਨੌਕਰੀ ਦੇ ਹਿਸਾਬ ਨਾਲ 50 ਜਾਂ 55 ਸਾਲ ਦੀ ਉਮਰ ’ਚ ਰਿਟਾਇਰ ਕੀਤਾ ਜਾਂਦਾ ਹੈ। ਚੀਨ ਵੱਲੋਂ ਅਗਲੇ ਸਾਲ ਜਨਵਰੀ ’ਚ ਇਹ ਨੀਤੀ ਲਾਗੂ ਕੀਤੀ ਜਾਵੇਗੀ। ਸਰਕਾਰ ਲਈ ਪੈਨਸ਼ਨ ਅਦਾਇਗੀ ਵੱਡੀ ਸਮੱਸਿਆ ਬਣ ਗਈ ਹੈ, ਜਿਸ ਕਾਰਨ ਉਸ ਨੇ ਇਹ ਫ਼ੈਸਲਾ ਲਿਆ ਹੈ। -ਏਪੀ