ਕਾਠਮੰਡੂ, 26 ਨਵੰਬਰ
ਨੇਪਾਲ ਤੇ ਚੀਨ ਜਲਦੀ ਹੀ ਵਿਸ਼ਵ ਦੇ ਸਭ ਤੋਂ ਉੱਚੇ ਪਰਬੱਤ ਮਾਊਂਟ ਐਵਰੇਸਟ ਦੀ ਸੋਧੀ ਹੋਈ ਉਚਾਈ ਦਾ ਐਲਾਨ ਕਰਨਗੇ। ਮੀਡੀਆ ਰਿਪੋਰਟਾਂ ਦੀ ਮੰਨੀਏ ਤਾਂ ਚੀਨੀ ਰੱਖਿਆ ਮੰਤਰੀ ਦੀ ਅਗਾਮੀ ਨੇਪਾਲ ਫੇਰੀ ਮੌਕੇ ਇਹ ਐਲਾਨ ਹੋ ਸਕਦਾ ਹੈ। ਨੇਪਾਲ ਸਰਕਾਰ ਨੇ ਪਰਬੱਤ ਦੀ ਉਚਾਈ ਮਾਪਣ ਦਾ ਐਲਾਨ ਅਜਿਹੇ ਮੌਕੇ ਕੀਤਾ ਹੈ ਜਦੋਂ ਇਹ ਬਹਿਸ ਸਿਖਰ ’ਤੇ ਹੈ ਕਿ ਸਾਲ 2015 ਵਿੱਚ ਆਏ ਭੂਚਾਲ, ਜਿਸ ਵਿੱਚ ਵੱਡੀ ਪੱਧਰ ’ਤੇ ਨੁਕਸਾਨ ਹੋਇਆ ਸੀ, ਸਮੇਤ ਹੋਰ ਕਈ ਕਾਰਨਾਂ ਕਰਕੇ ਮਾਊਂਟ ਐਵਰੈਸਟ ਦੀ ਉਚਾਈ ਪਹਿਲਾਂ ਦੇ ਮੁਕਾਬਲੇ ਕੁਝ ਘਟੀ ਹੈ। ਭਾਰਤੀ ਸਰਵੇ ਵੱਲੋਂ 1954 ਵਿੱਚ ਕੀਤੀ ਪੈਮਾਇਸ਼ ਮੁਤਾਬਕ ਮਾਊਂਟ ਐਵਰੈਸਟ ਦੀ ਉਚਾਈ 8848 ਮੀਟਰ ਸੀ। 1975 ਵਿੱਚ ਚੀਨੀ ਸਰਵੇਖਣਕਾਰਾਂ ਨੇ ਪਰਬੱਤ ਦੀ ਉਚਾਈ ਸਮੁੰਦਰ ਦੀ ਸਤਹਿ ਤੋਂ 8848.13 ਮੀਟਰ ਦੱਸੀ ਸੀ। -ਪੀਟੀਆਈ
