ਸਿਡਨੀ (ਗੁਰਚਰਨ ਸਿੰਘ ਕਾਹਲੋਂ): ਸ਼੍ਰੋਮਣੀ ਅਕਾਲੀ ਦਲ, ਆਸਟਰੇਲੀਆ ਨੇ ਦਿੱਲੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਨਾਲ ਧੋਖਾਧੜੀ ਕਰਨ ਦੇ ਦੋਸ਼ਾਂ ਦਾ ਸਾਹਮਣਾ ਕਰ ਰਹੇ ਮਨਜੀਤ ਸਿੰਘ ਜੀਕੇ ਵਿਰੁੱਧ ਸਖ਼ਤ ਕਾਰਵਾਈ ਦੀ ਮੰਗ ਕੀਤੀ ਹੈ। ਇੱਥੇ ਅਕਾਲੀ ਦਲ ਦੀ ਮੀਟਿੰਗ ਨੂੰ ਸੰਬੋਧਨ ਕਰਨ ਤੋਂ ਬਾਅਦ ਦਲ ਦੇ ਸਲਾਹਕਾਰ ਪ੍ਰਿਤਪਾਲ ਸਿੰਘ ਕਪੂਰ ਨੇ ਕਿਹਾ ਕਿ ਗੁਰੂ ਦੀ ਗੋਲਕ ਨੂੰ ਸੰਨ੍ਹ ਲਾਉਣਾ ਵੱਡਾ ਗੁਨਾਹ ਹੈ।
ਕਾਵਿ ਸੰਗ੍ਰਹਿ ਰਿਲੀਜ਼: ਐਡੀਲੇਡ: ਇੱਥੇ ਸਾਹਿਤਕ ਸੰਸਥਾ ‘ਸਾਹਿਤ ਸੁਮੇਲ’ ਵੱਲੋਂ ਲੇਖਕ ਗੁਰਚਰਨ ਸਿੰਘ ਰੁਪਾਣਾ ਦਾ ਪਲੇਠਾ ਕਾਵਿ ਸੰਗ੍ਰਹਿ ‘ਤੈਨੂੰ ਇੱਕ ਖ਼ਤ ਲਿਖ ਦੇਵਾਂ’ ਰਿਲੀਜ਼ ਕੀਤਾ ਗਿਆ। ਸਮਾਗਮ ਵਿੱਚ ਮੁੱਖ ਮਹਿਮਾਨ ਸ਼ੌਕਤ ਅਲੀ ਸਨ ਜਦਕਿ ਸਾਹਿਤਕ ਸਮਾਗਮ ਪੰਜਾਬ ਤੋਂ ਐਡੀਲੇਡ ਆਏ ਲੇਖਕ ਬਲਜੀਤ ਸਿੰਘ ਬੈਨੀਪਾਲ ਅਤੇ ਗੁਰਚਰਨ ਸਿੰਘ ਰੁਪਾਣਾ ਦੀ ਪ੍ਰਧਾਨਗੀ ਹੇਠ ਹੋਇਆ। -ਪੱਤਰ ਪ੍ਰੇਰਕ
